Zard Mausam Kay Dukh by Sumaira Sharif Toor is an emotional Urdu novel about love, loss, and relationships.

بس‘ بھائی آگئے۔وہ زیبا کی کسی بات کا جواب دے رہی تھی

جب شہناں کی آواز پر اس نے سر اٹھا کر دیکھا۔

فوزان وردی میں ملبوس ان سب کی طرف آگیا تھا۔

ایک ایک کر کے وہ سب سے ہاتھ ملا رہا تھا۔

وہ خوامخواہ پلیٹ میں چمچ چلانے لگی۔

شہناںرضوان زیبا وغیرہ اٹھ کر فوزان کی طرف چلے گئے تھے۔

یہ تمہارے آنے کا وقت ہے؟ تھوڑی دیر اور لگاتے

تو پھر تمہیں برتن دھونے کو ہی ملتے۔

رضوان نے اس سے ہاتھ ملاتے کہا تو وہ بے اختیار مسکرا دیا تھا۔

بھائی! لائبہ آپی بھی آئی ہیں۔

زیبا نے بھی اس کے کان میں سرگوشی کی۔

دیکھ چکا ہوں میں اسے…

تو پھر چلیں ان سے بھی مل لیں۔

وہ ہاتھ کھینچ کر اس کے قریب لے آئی تھی۔

باقی سب بھی ساتھ ہی تھے۔

السّلام علیکم!ان سب کو گھورتے اس نے سلام کیا

تو اس نے سر اٹھا کر پہلے اسے دیکھا

پھر سلام کا جواب دیا پھر وہ اٹھ کھڑی ہوئی تھی۔

بھابی! بیٹھیں میں آپ کے لیے کچھ لے کر آتی ہوں۔

دونوں کو چپ دیکھ کر شہناں نے سب کو یہاں سے ہٹنے کا اشارہ کیا تھا۔

پھر اسے کہتی ہوئی انیقہ کی طرف چلی گئی۔

فوزان کے بیٹھنے کے بعد وہ بھی بیٹھ گئی تھی۔

باقی سب بھی ایک ایک کر کے ٹہلنے لگے تھے۔

کیسی ہیں آپ! اس کے چہرے پر ایک نظر ڈال کر اس نے پوچھا۔

لائبہ نے سر ہلا دیا۔

کچھ پریشان ہیں؟

اس کے چہرے کا بغور جائزہ لیتے ہوئے اس نے پوچھا۔

اس نے ایک دم سر اٹھا کر اسے دیکھا۔

• 1
• 2
• 3
• 4
• 5
• 6
• 7
• 8